Хаяг:
МОНГОЛ УЛС, Улаанбаатар 13380
Баянзүрх дүүрэг, 1-р хороо
Нисора Цамхаг, 6 давхарт #601
Холбоо барих:
Утас: + 976 - 5002-3333
Факс: +976-11-458079
E-mail: info@mongolianlawfirm.com
АЖИЛТНЫГ ХЭРХЭН ХУУЛЬ ЗҮЙН ДАГУУ АЖЛААС ХАЛАХ ТУХАЙ СУРГАЛТ

СУРГАЛТЫН ЗОРИЛГО

 Ажил олгогч, ажилтны хооронд байгуулагдах хөдөлмөрийн гэрээг хэрхэн ажил олгогчид ашигтай байдлаар байгуулах, Ажил олгогч ажилтанд хууль зүйн дагуу, процессын алдаа гаргалгүйгээр хэрхэн сахилгын шийтгэл ногдуулах, ажилтныг хуулийн дагуу ажлаас халах ур чадварыг эзэмшүүлэх, хөдөлмөрийн гэрээг цуцлахтай холбоотой үүсэх хууль зүйн болон эдийн засгийн сөрөг үр дагавраас урьдчилан сэргийлэхэд сургалтын зорилго оршино.

СУРГАЛТЫН ТОВЧ ТАНИЛЦУУЛГА

 Шүүхээр шийдэгдсэн 200 гаруй хөдөлмөрийн маргаантай хэргүүдийг судалж үзэхэд ихэвчлэн ажил олгогч хуулийг буруу хэрэглэж, процессын алдаа гаргаснаас үүдэн шүүхэд ялагдал хүлээдэг бөгөөд шүүхийн практикт ажилтны талд хэрэг шийдэгддэх тохиолдол 90% ба түүнээс дээш хувь байдаг байна. Ажилтныг ажлаас буруу халснаас үүдээд ажил олгогчид хамгийн багаар бодоход 5,000,000 төгрөгний эрсдэл үүсдэг нь судалгаагаар тогтоогдсон. Хөдөлмөрийн хууль ажилтны эрх ашгийг мөн адил 90% ба түүнээс дээш хувь хамгаалсан байдаг тул энэхүү сургалтыг 2008 оноос эхлэн өнөөг хүртэл байгууллагын удирдах албан тушаалтан, хүний нөөцийн ахлах ажилтнуудад зориулан зохион байгуулж ирсэн билээ. Өмнөх сургалтуудаар сургалтанд оролцогчдын тоог 25 хүнд зориулан хязгаарлагдмал хүрээнд зохион байгуулж байсан бөгөөд энэ удаагийн сургалтыг мөн адил чанартай, хүртээмжтэй байх үүднээс 25-аас дээшгүй хүнд зориулан зохион байгуулах болно.

Сургалтанд хамрагдагсан хүн бүрт 5,000,000 төгрөгийн үнэ бүхий гарын авлага, сургалтын материалаар үнэгүй хангана. Сургалтын гарын авлага, материалд хөдөлмөрийн гэрээ, эд хөрөнгийн бүрэн хариуцлагын тухай гэрээ, нууцлалын гэрээ, хөдөлмөрийн гэрээг дуусгавар болгох тухай гэрээ, эвлэрлийн гэрээ, зөрчлийн тэмдэглэл, ажилтанд сахилгын шийтгэл оногдуулах захирлын тушаал, хөдөлмөрийн гэрээг цуцлах захирлын тушаал зэрэг загварууд багтсан. Хөдөлмөрийн гэрээ, эд хөрөнгийн бүрэн хариуцлагын тухай гэрээ, нууцлалын гэрээний багц нь дангаараа 2500 ам.доллар буюу 5,000,000 төгрөгийн үнэтэй юм.

  ХЭН ХАМРАГДАЖ БОЛОХ ВЭ

 ·       Компани, байгууллагын захирал, дарга, удирдах албан тушаалтан;

·     Хүний нөөцийн ахлах менежер /ажилтан/;

·       Хүний нөөцийн менежер /ажилтан/;

·       Компани, байгууллагын хуульч /хуулийн зөвлөх, өмгөөлөгч/

 СУРГАЛТЫН АГУУЛГА

 Байгууллагын хүний нөөцийн бодлогын хамгийн чухал АСУУДАЛ бол ажилтныг ажилд авахдаа юуг анхаарах ёстой, ажилтныг хэрхэн урамшуулж, тогтвор суурьшилтай ажиллуулах вэ, хэрэв танай ажилтан таны сэтгэлд хүрэхгүй ажиллаж байгаа бол түүнийг яаж идэвхжүүлэх үү, бүүр болохгүй бол ажилтныг яаж ажлаас нь хууль зүйн дагуу халж болох талаарх мэдлэг аливаа байгууллагын удирдах албан тушаалтан, хүний нөөцийн менежерүүдэд шүдний өвчин мэт байдаг. A&A Global хуулийн фирм нь энэ талаар нарийвчилсан судалгаа явуулан ажилтныг анх ажилд авахдаа хөдөлмөрийн гэрээг хэрхэн зөв байгуулах, ажилтанд сахилгын шийтгэл хэрхэн оногдуулах, хэрэв түүний хөдөлмөрийн гэрээг цуцлах бол хууль зүйн ямар үндэслэл, процессыг анхаарах тухай сургалтыг боловсруулан Худалдаа хөгжлийн банк, Хаан банк, Раффлес институт, М Си Эс Холдингийн охин компаниуд, Бодь группын охин компаниуд, Төрийн банк, Бридж групп гэх мэт Монголын топ байгууллагуудад хийж өндөр үнэлгээ авч байсан.

 СУРГАЛТЫН ҮР ДҮН

 Энэхүү сургалтанд хамрагдснаар ажил олгогч ажилтантай хөдөлмөрийн гэрээ байгуулахад юуг анхаарах ёстой, сахилгын шийтгэлийг оногдуулахдаа ямар журам баримтлах, нотлох баримтыг яаж бүрдүүлэх, хууль зүйн үндэслэлээ яаж зөв гаргах, түүнчлэн хамгийн чухал нь ажилтны хөдөлмөрийн гэрээг цуцлах, дуусгавар болгох үндэслэлээ яаж зөв гаргаж өгөх, Хөдөлмөрийн хуулийн аль заалтыг ямар үед хэрэглэх чадварыг эзэмшихээс гадна ажил олгогчоос ажилтны хөдөлмөрийн гэрээг цуцлахад ажилтанд тийм ч таатай байдаггүй тул шүүх хуралд ялагдахгүйн тулд урьдчилан сэргийлэх ямар арга хэмжээ авах талаарх мэдлэгийг олж авна. Хэрэв та ажилтныг хууль бусаар ажлаас нь халвал танд шууд л хууль зүйн болон эдийн засгийн эрсдэл бий болох тул ТА энэхүү сургалтанд хамрагдснаар бага зардлаар ихээхэн хэмжээний мөнгийг хэмнэх чухал ач холбогдолтой юм.

СУРГАЛТ БОЛОХ ГАЗАР, ӨДӨР, ТӨЛБӨР

 2016 оны 03 сарын 23-нд 10:00-17:00 хооронд Shangri-La Hotel, Ulaanbaatar-ын Paris танхимд болно. Нийт 6 цагийн сургалт. Сургалтын төлбөр 1 хүн: 2,000,000 /хоёр сая/ төгрөг.

 БАГШИЙН ТУХАЙ

 Сургалтыг Олон улсын баарын /хуульчдын/ холбооны гишүүн, Америкийн баарын /хуульчдын/ холбооны гишүүн, Монголын баарын /хуульчдын/ холбооны гишүүн, олон улсын хуульч Р.Батрагчаа заана.

 Р.Батрагчаа нь A&A Global хуулийн фирмийн захирал ба “Jessup Cup” шүүхийн мэтгэлцээний дэлхийн аварга шалгаруулах тэмцээний байнгын шүүгчээр ажилладаг, олон улсад хүлээн зөвшөөрөгдсөн нэр хүнд бүхий Монголын өмгөөлөгчдийн нэг билээ.

 A&A Global хуулийн фирм нь компанийн засаглал, уул уурхай, банк санхүүгийн чиглэлээр дагнасан хууль зүйн зөвлөгөө, өмгөөллийн үйчилгээ үзүүлдэг. Тэр дундаа зөвхөн ажил олгогчид өдөр тутам тохиолддог татвар, нийгмийн даатгалын асуудал, гэрээ, хэлэлцээрийг хэрхэн өөрийн эрх ашигт тохируулан эрсдэл багатай байгуулах, хөдөлмөрийн гэрээг ажилтантай яаж зөв байгуулах, хөдөлмөрийн гэрээг дуусгавар болгоход юуг анхаарах талаар зөвлөгөө өгдөг мэргэшсэн өмгөөлөгчидтэй.

 БҮРТГЭЛ

 Бүртгэлийг ariunaa@mongolianlawfirm.com хаягаар хүлээн авах бөгөөд доорх мэдээллийг илгээнэ үү.

 1.      Овог нэр

2.      Байгууллага, албан тушаал

3.      Холбоо барих утас, хаяг, э-мэйл хаяг

 Бидэнтэй холбоо барих утас:  9112-3333, 9113-2222

 СУРГАЛТЫН ХӨТӨЛБӨР

Хэзээ:             2016 оны 03-р сарын 23-ны өдөр    10:00 – 17:00 цагийн хооронд

 Хаана:             Shangri-La Hotel, Ulaanbaatar-ын Paris танхим

 

Д/д

Сургалтын сэдэв

Цаг

1

Бүртгэл

09:50-10:00

2

Нээлт

10:00-10:10

3

Ажилтныг ажилд авахдаа яагаад заавал хөдөлмөрийн гэрээ байгуулах ёстой вэ?

10:10-10:30

4

Хөдөлмөрийн гэрээ байгууллахад анхаарах зүйлс, хөдөлмөрийн гэрээнд ажил олгогчийн эрх ашгийг хамгаалсан ямар, ямар зүйл, заалтуудыг заавал тусгаж өгөх ёстой вэ?

10:30-11:30

5

Цайны завсарлага

11:30-11:45

6

Ажилтанд сахилгын шийтгэл ногдуулахад анхаарах зүйлс, хууль зүйн үндэслэл, сахилгын шийтгэл ногдуулах аргачлал, үе шат

11:45-13:00

7

Өдрийн хоол

13:00-14:00

8

Хөдөлмөрийн гэрээг дуусгавар болгох хууль зүйн үндэслэл, аргачлал

14:00-15:30

9

Цайны завсарлага

15:30-15:45

10

Ажил олгогчийн санаачлагаар хөдөлмөрийн гэрээг цуцлахад анхаарах зүйлс, хууль зүйн үндэслэл, хөдөлмөрийн гэрээг цуцлах аргачлал, үе шат

15:45-17:00

12

Хаалт

17:00-17:10



MG LAWYERS © 2017